पाल्पामा पहिरोमा पुरिएर एक जनाको मृत्यु

असार -१
अविरल वर्षाका कारण पहिरो खस्दा पाल्पामा एक जनाको मृत्यु भएको छ।
जिल्ला प्रहरी कार्यलय पाल्पाका सूचना अधिकारी एवम् प्रबक्ता रामेश्वर त्वातीका अनुसार आज बेलुका ७ बजेको समयमा जिल्लाको रिब्दीकोट गाउँपालिका वडा नम्बर ४ मन्छिपमा घर माथिबाट पहिरो खस्दा पुरिएर १९ वर्षीय मदन भट्टराई घाइते भएका थिए। घाइते भएका मदन भट्टराईलाई तत्काल प्रहरी र स्थानीयहरुद्वारा उद्दार गरि पाल्पामा अस्पतालमा पुर्याइएकोमा उपचारका क्रममा ८:५० बजेको समयमा मृत्युु भएको जिल्ला कार्यलय पाल्पाका सूचना अधिकारी एवम् प्रबक्ता त्वातीले जानकारी दिनु भयो।

उक्त घटनाका सम्बन्धमा थप अनुसन्धान भैरहेको प्रहरीले जनाएको छ।