भिरकोट नगरपालिकाका २१ जनाको पिसिआर नतिजा नेगेटिभ

स्याङ्जा जिल्लामा दिन प्रती दिन कोरोना संक्रमितहरुको सङ्ख्या बढिरहेको बेला भिरकोट नगरपालिका भने कोरोना मुक्त भएको छ। २५ गते लिइएको २१ जनाको स्वाबको पिसिआर बिधि बाट गरिएको परिक्षण नेगेटिभ आएको छ। २१ जना मध्य नगरपालिकाका क्वारेन्टिनमा रहेका १३ जना र अन्य ८ जनाको पिसिआर परिक्षण नेगेटिभ आएको हो। क्वारेन्टिनमा रहेका १३ जनालाई आज बिदाइ गरिएको छ। हालको अवस्थामा भिरकोट नगरपालिका कोरोना मुक्त रहेको छ। स्याङ्जाको वालिङ नगरपालिका , गल्याङ नगर पालिका र पुतलीबजार नगरपालिकामा कोरोना संक्रमण दर उच्च रहेको छ।