जेठ-५
स्याङ्जाको कालीगण्डकी गाउँपालिका स्थायी ठेगाना भइ विभिन्न पेशा, अध्ययन र जागिरका सिलसिलामा पोखरामा बसोबास गर्दै आउनु भएकाहरुको समूह कालीगण्डकी पोखरा सम्पर्क समाजले कालीगण्डकी गाउँपालिकालाई अक्सिमिटर प्रदान गरेको छ।
मानव शरीरमा अक्सिजनको मात्रा नाप्नलाई अत्यन्तै उपयोगी अक्सिमिटरको प्रयोग श्वासप्रश्वास , फोक्सो तथा कोभिड-१९ का बिरामीहरुलाई उपयोगी मानिएको छ। कालीगण्डकी गाउँपालिकालाई प्राप्त अक्सिमिटर पालिका भित्रका ४ वटा स्वास्थ्य चौकीमा वितरण गरिने कालीगण्डकी गाउँपालिकाकि उपप्रमुख साबित्रा कोइरालाले बताउनु भयो। कोभिड -१९ को जोखिमको समयमा अक्सिमिटर जस्तो अत्यन्तै उपयोगी स्वास्थ्य सामाग्री प्रदान गरिएकोमा कालीगण्डकी पोखरा सम्पर्क समाज प्रती पालिकाले आभार व्यक्त गरेको छ।
Discussion about this post