ट्याक्टर चोरीमा संलग्न झापाका एक युवक पक्राउ

कार्तिक -२९
ट्याक्टर चोरी गरेर फरार रहेका झापाका एक युवकलाई प्रहरीले पक्राउ गरेको छ। पक्राउ पर्नेमा विर्तामोड नगरपालिका वडा नम्बर ९ का राजेश राय क्षेत्री रहेका छन् ।

जिल्ला प्रहरी कार्यलय पाल्पाले दिएको जानकारीका अनुसार गत कार्तिक २४ गते राजेश्वरी कन्स्ट्रक्सन प्रा. लि. को नाममा दर्ता रहेको लु ४ त ६९८६ नम्बरको न्यु होल्याण्ड ट्याक्टर पाल्पाको तिनाउ गाउँपालिका वडा नम्बर ६ खारापानीबाट हराएको थियो।

हराएको ट्याक्टर जिल्ला प्रहरी कार्यलय तनहुँको समन्वयमा कार्तिक २६ गते तनहुँबाट फेला परेको जिल्ला प्रहरी कार्यलय पाल्पाले जानकारी दिएको छ। ट्याक्टर सहित पक्राउ परेका झापाका राजेश राय क्षेत्रीलाई नियन्त्रणमा लिएर अनुसन्धान कार्य भइरहेकै प्रहरीले जनाएको छ।