वार्षिकोत्सबको अवसरमा बक्तृत्वकला प्रतियोगिता आयोजना गरिने

स्याङ्जाको कालीगण्डकी गाउँपालिकामा भू.पू. विद्यार्थी मंच श्री जनहित मा.वि.ले अन्तर मा.वि. वक्तृत्वकला प्रतियोगिता गर्ने भएको छ। माघ ९ गते पालिकामा अवस्थित माध्यमिक तह (६-१२) स्तरीय वक्तृत्वकला प्रतियोगिताको आयोजना गरिएको भू.पू. विद्यार्थी मंचका कार्यक्रम संयोजक यम सोमैले जानकारी दिनु भयो।

पछिल्लो समयमा लागू पदार्थ सेवन कर्ताहरुको सङ्ख्या बढ्दै गएको, देशका भबिस्यका कर्णधारहरुको भबिस्य अन्धकार र अन्योलमा परिरहेको परिप्रेक्ष्यमा समाजलाई सचेतना दिनकै लागि भएपनी यो कार्यक्रमको आयोजना गरिएको संयोजक सोमैले बताउनुभयो । खेलकुद र शैक्षिक प्रतियोगिताहरुलाई पनि संग-संगै लैजाने तयारी रहेको समेत सोमैले जानकारी दिनु भयो। श्री जनहित माविमा जुनसुकै तहमा अध्ययन गर्नु भएका भू.पू. विद्यार्थीहरुको विद्यालय प्रती समान अधिकार , दायित्व र कर्तव्य रहेको भन्दै  सम्पूर्ण भू.पू. विद्यार्थीहरुलाई मंचमा आवद्ध हुन समेत सोमैले अनुरोध गर्नु भयो। कार्यक्रम संचालनका लागि आर्थिक , भौतिक र नैतिक रुपले सहयोग गर्नु हुने सवै प्रती आभार समेत सोमैले व्यक्त गर्नु भयो।

विगत केही वर्ष देखि भू.पू. विद्यार्थी मंचले श्री जनहित मा.वि. मा शैक्षिक प्रतियोगिता आयोजना गर्दै आएको र ६७ औं वार्षिकोत्सवमा मंचले बक्तृत्वकलाको आयोजना गरिएको विद्यालयका प्रधानाध्यापक श्री केसर वहादुर क्षेत्रीले जानकारी दिनु भयो। पालिका भित्रका माध्यमिक विद्यालयहरुले प्रतियोगितामा सहभागिता जनाउने समेत प्रधानाध्यापक क्षेत्रीले जानकारी दिनु भयो। भू.पू. विद्यार्थीहरुको तर्फबाट माघ ९ गते गरिने कार्यक्रममा उपस्थित भइ कार्यक्रमको शोभा बढाउन सवैलाई हार्दिक अनुरोध समेत विद्यालयक प्रधानाध्यापक क्षेत्रीले गर्नु भएको छ।