रुरु प्राथमिक स्वास्थ केन्द्रका डा बिकास पन्थिलाई बिदाइ कार्यक्रम सम्पन्न

रुरु प्राथमिक स्वास्थ केन्द्र रुरु क्षेत्र गाउँपालिका वडा न १ रिडीमा बिदाइ तथा फेरि भेटौला कार्यक्रम सम्पन्न भएको छ । स्वास्थ केन्द्र ब्यबस्थापन समितिका अध्यक्ष तथा रुरु क्षेत्र गाउँपालिका वडा न १ का वडा अध्यक्ष रामलाल बिकको अध्यक्षतामा कार्यक्रम भएको थियो। स्वस्थ केन्द्रका उपाध्यक्ष चन्द्र लाल कसजु , कार्यपालिका सदस्य भगवती बराल , यस्तै नेकपा एमालेका नबराज बिक कङग्रेसका अमुल्य श्रेष्ठ , महिला समुहकी धना राना लक्ष्मी ज्ञवाली ,स्वास्थ साखाका पुर्व प्रमुख देव बहादुर बुडाथोकी यस्तै कुमारी बैंककि दिपा श्रेष्ठ पत्रकार लगायतको आथित्यता रहेको थियो । उपाध्यक्ष चन्द्रलाल कसजुले स्वागत गर्नु भएको थियो । कार्यक्रममा डा बिकास पन्थीलाई समारोहको आयोजना गरि बिदाइ गर्दै १५ महिनाको समय अबधिमा गरेका काम प्रगती विवरण ,आगामी योजनाका विषयमा कार्यक्रमका बक्ताहरुले चर्चा गरेका थिए ।
डा पन्थिले आफू १५ महिना रहदा विभिन्न महत्त्वपूर्ण उपकरणहरु भित्र्याउन सफल भएको , औषधि अभाव हुन नदियको , बिमा कार्यक्रमलाई टिम नै परिचालन गरि सेवा प्रदान गर्न सफल भएको ,कार्यलय प्रशासनलाई दुरुस्त बनाउन अगाडी बढेको तथा कोभिटका समयमा टिम नै सफल भएको धाराण व्यक्त गर्नु भयो । डा पन्थिले आगामी दिनहरुमा पनि आफू जुन कार्यलयमा रहेता पनि यश कार्यलय लाई निरन्तर सेवा सद्भाव रहने बताउनु भयो। कार्यक्रमको सन्चालन अहेव मनोज गिरीले गर्नु भएको थियो।