स्याङ्जामा एक सहित गण्डकी प्रदेशमा ४४ जना कोरोना संक्रमित थपिए

गण्डकी प्रदेशमा आज ४४ जना कोरोना संक्रमित थपिएका छन् । संक्रमित हुने हरु कास्कीका २२ जना , बाग्लुङका ३ जना , स्याङ्जा गल्याङका एक जना , नवलपरासीका एक जना र लमजुङका १७ रहेका छन् । केही दिन यता गण्डकी प्रदेशमा कोरोना संक्रमित दैनिक बढिरहेको छ। संक्रमित हुने हरु मध्य कास्की जिल्ला, पोखरा महानगरपालिकाका २ जना महिला पश्चिमान्चल सामुदायिक अस्पताल, पृथ्वी चोकमा कार्यरत कर्मचारी रहेका छन् | यस्तै गरि पोखरा महानगरपालिका-१७ का २५ बर्षका पुरुष, पोखरा महानगरपालिका-१५ का २८ बर्षीय पुरुष, पोखरा महानगरपालिका-१४ का ४१ र ४४ बर्षीय २ पुरुषहरु र पोखरा महानगरपालिका-२४ का ३१ बर्षीय पुरुष गरि ५ जना भारतबाट आएका हुन् । संक्रमित अन्य एक जना पोखरा महानगरपालिका-१६ का ५२ बर्षीय पुरुष डाँफे सहकारी संस्थामा कार्यरत कर्मचारी रहेको गण्डकी प्रदेश स्वास्थ्य निर्देशनालयले जनाएको छ। आज थप ४४ जना गरि गण्डकी प्रदेशमा संक्रमितको सङ्ख्या २४४७ जना पुगेको छ।