पाल्पामा मृत्यु भएकी महिलामा कोरोना पुष्टि भएको छैन: जिल्ला स्वास्थ्य कार्यालय

विष्णु पान्डेय
पाल्पा ३० असोज
पाल्पाको तानसेनस्थित लुम्विनि मेडिकल कलेजमा विहिवार मृत्य भएकी एक महिलामा कोरोना संक्रमण पुष्टि भइनसकेको जिल्ला स्वास्थ्य कार्यालय पाल्पाले जनाएको छ । जिल्ला स्वास्थ्य कार्यालय पाल्पाका सुचना अधिकारी ओम प्रकाश पन्थिका अनुसार उनको स्वाव अहिले चितवन पठाईएको छ । विहीवार विभिन्न अनलाईनमा कोरोनाको कारण पाल्पामा १ जनाको मृत्यु भन्ने समाचार प्रकाशीत भएको थियो । यस सम्बन्धि लुम्बिनि मेडिकल कलेजले पनि मृत्यु भएकी महिलाको आधिकारीक कोरोना पुष्टि नभएको बताएको छ । उनको मेडिकल कलेजको निजि प्रयोगशालामा रिपोर्ट पोजेटिभ आएको भएपनि अहिले उनको स्वाव भरतपुर मेडिकल कलेज चितवन पठाईएको प्रशासन स्रोतले बताएको छ । उताबाट कोरोना पोजेटिभको रिपोर्ट नआईकन हामीले कोरोना संक्रमणका कारण मृत्यु भन्न्न मिल्दैन एक अधिकारीले भने । उनको मृत्यु हुनुभन्दा १ दिन अघिनै स्वाव पठाईएको थियो
अशोज २२ गते भर्ना भएकी तिनाउ गाउपालिका वडा न ३ की ५४ वर्षिया ती महिलाको विहीवार मृत्यु भएको थियो । पाल्पामा अहिले सम्म २ महिला र २ पुरुषको कोरोना संक्रमणका कारण मृत्यु भएको छ । मृत्यु भएकी ती महिलाको शब अहिले मेडिकल कलेजमै छ , कोरोनाको रिपोर्टका आधारमा शवको व्यवस्थापन गरीले कलेज प्रशाशनले जनाएको छ ।