असार १८ गते बाट सम्पर्कबिहिन स्याङ्जाका पंकज गिरि मृत अवस्थामा भेटिए

स्याङ्जा
असार १८ गते बाट सम्पर्क बिहिन भएका चापाकोट नगरपालिकाका ५ सेेखामका पंकज गिरि भालुपाहाडको फेदीमा मृत अवस्थामा फेला परेका छन् । असार १८ गते बाट सम्पर्क बिहिन भएता पनि उनको परिवारले २९ गते मात्र प्रहरीमा खोजीको लागि निवेदन दिएको थियो। पोखरामा बसेर अध्ययन गरिरहेका पंकज १८ गते भाडाको बुलेट बाइक सहित सम्पर्कमा आएका थिएनन् । २९ परिवारले खोजीको लागि निवेदन दिए पछि स्याङ्जा र कास्की प्रहरीले उनको खोज अनुसन्धान गर्दै आएको थिए। यसै क्रममा हिजो सेति खोलामा माछा मार्न गएका स्थानीयले निलो रंगको बुलेट बाइक फेला पारेका थिए। बाइक फेला पारे पश्चात् स्थानीयले प्रहरीलाई जानकारी गराएका थिए। बाइक दुर्घटना भएको हुन सक्ने र बाइक भेटिएको स्थान वरपर खोजी कार्य गर्दा मानव कंकाल भेटिएको थियो। मानव कंकाल नजिकै भेटिएको कपडाको आधारमा उक्त कंकाल पंकज गिरिको भएको परिवारले पुष्टि गरेको जानकारी जिल्ला प्रहरी कार्यलय स्याङ्जाका प्रबत्ता प्रहरी नायब उपरीक्षक राजेन्द्र प्रसाद अधिकारीले दिनु भयो। अहिले शवलाई जिल्ला अस्पताल स्याङ्जामा राखिएको र घट्ना बारे थप अनुसन्धान भैरहेको स्याङ्जा प्रहरीले बताएको छ।