मगर भाषाको कविता “किरिम्च सार”

13
SHARES
110
VIEWS

मिबुर्ढिन भर मिहि लाम
का गोराक झोस् छान्च लहुर्‍या डाङ्म
हिकाट न ङाक ख्योहा!!

काट डाभ्यौ न्हुन जिवाम
लिस जिवाट्के पेलिसौ साढियाङ
बोइ मोइ आर्मिट्म,
माहाजौ रोह गोम्होक्म,
छिनिङ ड ल्हेस्म राहा लाहुर्‍या
डेम याहाले काट जाङ!

मागिन्ले सुए ड
लाहुरेउ मिबुर्ढिन कुट हिसा??

लाहुर्‍या न आला
लामाङ डुस्मन कठा
झोरोक छान्हा हो!!

गोराक भालेइ राक माराक
डि गाप्के नुङ्च
भिपलाप डिडै राप्म ल्हेसा
मोइ बोए आर्मिट्टार
सिम्या भुम्या आर्मिट्म
राप्म मुवा भर्मी झुरुम माछान्टार

नभी कठ्ठै झामर्‍या मुम
कौराहा गेस्म भाच लाफा सार
गोराक नम्खान ढेमाङ टाक्नाङ ड
इमाङ माटाक्लिसा!

मोइ बोए आर्मिटा हो
होर्म भ्याच नानिजा
फकुङ इम नुङ्के न आले कयाक
लहना राहा हो,होस्के माभ्या!

होस्को के हि थाहा??
सार आर्न्हाम माछान्म किरिम्हा
लाहुरेउ लख मिबुर्ढिन हिस्च
मिछाटी टाक बूटै भ्याक्च
लर्फु डुङ्गाङ इहिच
चोला घल्याक च्याहाच
माठा लुङ्गी पिस्च
डाङ्नाङ मिक फ्याँहा कि
लाङ्घालिकुङ
नभियाउ हान माडास्मले
काटै फकुङ मिक रुङ्म मुमले !!

मिबुर्ढिन भर मेरेस लाम अब
माह्योक्ले सोके किरिम्च सार
खै?? हि काट ङाक ख्योहा??

गोविन्द राना मगर

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
ताजा समाचार