स्याङ्जाका थप ३९ जनामा कोरोना संक्रमणको पुष्टि

असार १३

स्याङ्जाका थप ३९ जनामा कोरोना संक्रमणको पुष्टि भएको छ। पछिल्लो २४ घण्टामा स्याङ्जाका विभिन्न पालिका र नगरपालिकाका १९ जना महिला र २० जना पुरुषमा कोरोना संक्रमणको पुष्टि भएको गण्डकी प्रदेश स्वास्थ्य निर्देशनालय पोखराले जनाएको छ।

केही दिन यता घट्दै गरेको कोरोना संक्रमित सङ्ख्या स्याङ्जामा आज एकै दिन ३९ जनाले थपिएको हो। कोरोना संक्रमणको जोखिम स्याङ्जामा कायमै रहेको गण्डकी प्रदेश स्वास्थ्य निर्देशनालयले जारी गरेको अद्यावधिक विवरणले देखाएको छ।