पोखरामा एक जना कोरोना संक्रमितको निधन

गण्डकी प्रदेशमा थप एक जना कोरोना संक्रमितको मृत्यु भएको छ। पोखरा स्वास्थ्य बिज्ञान प्रतिष्ठानमा उपचाररत एक जनाको आज बिहान १०:४० मा मृत्यु भएको हो। मृतक पोखरा महानगर पालिका वडा नम्बर १६ का ८७ वर्षीय पुरुष रहेका छन् । मृतक उच्च रक्तचाप , मधुमेह र मृगौला रोगबाट ग्रसित थिए। यो संगै कोभिड -१९ को कारण पोखरा बिज्ञान प्रतिष्ठानमा मृत्यु हुनेको सङ्ख्या चार पुगेको छ। गण्डकी प्रदेशमा भने कोरोना संक्रमणको कारण मृत्यु हुने सङ्ख्या सात पुगेको छ। केही दिन यता गण्डकी प्रदेशको पोखरा महानगर पालिकामा कोरोना संक्रमणको दर उच्च रहेको छ।