कोटाकोट आधारभूत बिद्यालयको ५७ औं वार्षिकोत्सब समारोह सम्पन्न

पुस -५

स्याङ्जाको कालीगण्डकी गाउँपालिका वडा नम्बर १ छापडाँडामा अवस्थित श्री कोटाकोट आधारभूत बिद्यालयले ५७ औं वार्षिकोत्सब समारोह सम्पन्न गरेको छ। आज बिद्यालय प्राङ्गणमा सम्पन्न भएको वार्षिकोत्सब समारोहमा बिद्यालय वार्षिक प्रतिबेदन , छात्रवृत्ति तथा अतिरिक्त क्रियाकलापमा विभिन्न स्थान हासिल गर्न सफल बिद्यार्थीहरुलाई पुरस्कार वितरण गरिएको बिद्यालयका प्र. अ . प्रथ थापामगरले जानकारी दिनु भयो। कार्यक्रमको दौरानमा बिद्यालयमा अध्ययनरत विद्यार्थी भाइबहिनीहरुले सांस्कृतिक कार्यक्रम समेत प्रस्तुत गरेका थिए। बिद्यालयमा स्थापना गरिएको रु ३ लाख भन्दा बढीको अक्षयकोषबाट छात्रवृत्ति प्रदान गरिएको प्र. अ. थापाले कालीगण्डकी पोष्टलाई जानकारी दिनु भयो। कार्यक्रमको संचालन शिक्षक किसान गाहा मगरले गर्नु भएको थियो।