गण्डकी प्रदेशमा ४० जना कोरोना संक्रमित थपिए

स्याङ्जा ,भदौ -१९ गण्डकी प्रदेशमा कोरोना संक्रमितको सङ्ख्या तीब्र रुपमा फैलिने क्रम जारी छ। आज गण्डकी प्रदेशमा एकै पटक ४० जनामा कोरोना संक्रमणको पुष्टि भएको छ। संक्रमित हुने हरु कास्कीका १६ जना , लमजुङका ३ जना , स्याङ्जाका एक , बाग्लुङका एक , तनहुँका दुई र नवलपरासीका १७ जना रहेका छन् । संक्रमितहरु मध्य ७ जना कास्कीमा कार्यरत प्रहरी रहेको स्वास्थ्य निर्देशनालय गण्डकी प्रदेश पोखराले जनाएको छ। आज थप चालीस सहित गण्डकी प्रदेशमा कोरोना संक्रमितहरुको सङ्ख्या २३५२ पुगेको छ।