स्याङ्जाको आँधीमुहानमा स्टिमर सेवा सुरु भयो – यात्रु भएन

13
SHARES
112
VIEWS

यम सोमै कार्तिक -३० स्याङ्जाको कालीगण्डकी गाउँपालिका वडा नम्बर ७ मा सञ्चालित स्टिमर सेवा कोरोना कहरका कारण प्रभावित बनेको छ। बिश्वव्यापीरुपमा फैलिएको कोरोना महामारीका कारण बन्द भएको स्टिमर सेवा दशै पर्वलाइ लक्षित गरि पुनः संचालनमा आएता पनि मानिसहरुको चहलपहल भने कम रहेको छ। जलयात्राको आनन्द लिन र स्टिमरबाट पर्वत , स्याङ्जा र गुल्मीको संगमस्थलमा अवस्थित अवस्थित शालिग्रामको दर्शन गर्नका लागि भिडभाड हुने यो ठाउँ अहिले प्रायः शुन्य रहेको छ। कोरोना संक्रमणको जोखिम कायमै रहेकोले अहिले घुम्न आउने पर्यटकको सङ्ख्यामा कमी आएको शालिग्राम कालीगण्डकी जल यातायात प्रालिका कोषाध्यक्ष प्रेम माझीले बताउनुभयो। सामान्य अवस्थामा दैनिक ४/५ सय जनाले स्टिमर सेवा लिने गरेकोमा हाल आएर दैनिक १२/१३ जना पनि मुस्किलले आउने गरेको कोषाध्यक्ष माझीले जानकारी दिनुभयो। माझीका अनुसार मानिसहरुको चहलपहल कम भएकोले आफुहरुले कर्मचारीको तलब खर्च समेत धान्न मुस्किल परेको बताउनु भयो। नेपालकै पर्यटकीय स्थल कालीगण्डकी गाउँपालिकाको कालीगण्डकी ए जलविद्युत परियोजनालाई लिने गरिन्छ। आफुहरुसित १० वटा स्टिरमर रहेतापनि यात्रीको सङ्ख्यामा कमी आएकोले दुई वटा स्टिमरनै पर्याप्त भएकोले माझीले थप्नुभयो।

खाली टिकट काउन्टर

अवस्था सामन्य हुँदा जलविद्युतका लागि निर्माण गरिएको सुन्दर तालको अवलोकन गर्नेहरुको सङ्ख्या अत्याधिक हुने गर्दथ्यो। हाल भने मानिसहरुको चहलपहल कम भएको र ब्यापार प्रायः शुन्य रहेको स्थानीय व्यापारी शान्ति न्यौपानेले बताउनु भयो। शनिबार गुल्मी बाट आठ जना शिक्षकहरुको समूह घम्नका आएको भेटियो। कोरोनाकहरका बिच घुम्न आउनु भएको छ निभन्ने हाम्रो प्रश्नमा आफुहरु शिक्षक भएको र अरु बेला फुर्सद नहुने भएकोले तिहार बिदामा घुम्न आएको समुहका एक जनाले बताउनु भयो। नाम सुनेको ठाउँ भएकोले आफुहरुले योजना बनाइ मोटरसाइकलमा गुल्मिको मालिका देखि यहि जलयात्रा गर्न आएको समूहका यम लाल पाण्डेले बताउनुभयो । अन्य समयमा यसरी घुम्ने आउनेको सङ्ख्या अत्याधिक हुने गरेको हाल भने निकै कम सङ्ख्यामा मात्र सानो समूहमा आउने गरेको टिकट काउन्टरमा बसेका एक जनाले बताउनुभयो। आँधिमुहानबाट शालिग्राम स्थल सम्म पुग्नका लागि करीब ३० मिनेट लाग्ने र शुल्क प्रती व्यक्ति ४०० लाग्ने गर्दछ । सुरक्षा मापदण्ड पूरा गरेर एकपटक जलयात्राको आनन्द लिन सकिन्छ । दुरि कायम गरि आँधिमुहानबाट शालिग्रामको सम्मको यात्रा गर्ने यो राम्रो वातावरण पनि रहेको छ।

यात्रुको पर्खाइमा स्टिमर
यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
ताजा समाचार