रिडीमा डबल पुरुष ब्याडमिन्टन प्रतियोगिता सम्पन्न

चुरामणी तिमिल्सिना मङ्सिर -७, रुरु क्षेत्र रिडिमा मंसिर ५ बाट सन्चालन भएको खुल्ला डबल पुरुष ब्याडमिन्टन प्रतियोगिता २०७७ भब्य कार्यक्रमका साथ सम्पन्न भएको छ । अलफ्रेन्डस क्लब रिडीले आयोजना गरेको प्रतियोगितामा ४० वटा समूहकोसहभागीता रहेको थियो । प्रतियोगितामा बुटवल तामनगरका राजु थापा र बिनोद पौडेलले समूह A प्रथम स्थान हासिल गरेका थिए भने गुल्मि लुम्पेकका झमनको समुहले द्वितीय स्थान हासिल गर्न सफल भएका थिए । समुह B मा पाल्पा बर्तुङका जीवन र यभिनले प्रथम स्थान हासिल गरे भने लुम्पेकका कृष्ण पुलामिको समुहले द्वितीय स्थान हासिल गरेका थिए । कार्यक्रममा रुरु क्षेत्र गाउँ पालिका वार्ड न१ का वार्ड अध्यक्ष रामलाल बिक प्रमुख अतिथी रहनु भएको थियो। समाजसेवी उत्तम बहादुर क्षेत्री क्यापटेन सुरज गुरुङ , पाल्पा ब्याडमिन्टन संघका अध्यक्ष वसन्त बज्राचार्य ईलाका प्रहरी कार्यलय रिडिका प्रहरी सहायक निरक्षक गणेश खनाल सामाजिक अभियान्ताहरु लगायतको सहभागीता रहेको थियो। कार्यक्रम पत्रकार चुरामणी तिमिल्सिनाको सन्चालनमा भएको थियो । क्लबका अध्यक्ष प्रमिसराज भन्डारीको अध्यक्षता खेल सम्योजक अमुल्य श्रेष्ठको धन्यवाद मन्तव्य रहदै कार्यक्रम सम्पन्न भएको हो ।