भीरकोट नगरपालिकाका मेयर खनाललाई कोरोना संक्रमण

स्याङ्जा, १४ मङ्सिर । स्याङ्जाको भीरकोट नगरपालिका मेयर छायाराम खनाललाई कोरोना पुष्टि भएको छ ।
भीरकोट नगरपालिकाका मेयर खनालले आफूलाई कोरोना लागेको सामाजिक सञ्जालमार्फत आज (आइतबार) जानकारी गराउनुभएको हो ।विगत केहि दिन देखि बेलाबेलामा खोकि लागेर पिसिआर टेष्ट गर्दा पोजेटिभ आएको बताउनुभयो ।खनालले अहिले आफू होम आइसोलेसनमा पूर्ण सजगताका साथ डाक्टरको निगरानीमा बसेको समेत जानकारी गराउनुभएको छ ।