पाल्पामा टिप्पर दुर्घटना हुँदा एक जनाको घटना स्थलमै मृत्यु

पुस -१९
पाल्पामा आज दिउँसो टिप्पर दुर्घटना हुँदा एक जनाको घटना स्थलमै मृत्यु भएको छ। रिब्दीकोट गाउँपालिका वडा नम्बर ३ लप्सीरुख भन्ने स्थानमा लु २ ख २१७१ नम्बरको खाली टिप्पर अनियंत्रित भइ सडकदेखि १५० मिटर तल खस्दा उक्त दुर्घटना भएको थियो। दुर्घटनामा परि रैनादेवीछहरा गाउँपालिका वडा नम्बर ५ मुझुङ बस्ने ४० बर्षका रामु कार्कीको मृत्यु भएको जिल्ला प्रहरी कार्यलय पाल्पाका सूचना अधिकारी एवम् प्रहरी नायव उपरीक्षक मदन गिरीले जानकारी दिनु भयो। उक्त दुर्घटना सम्बन्धि थप अनुसन्धान भैरहेको प्रहरीले जनाएको छ।