जन्मदिनको अवसरमा विद्यार्थीहरुलाई शैक्षिक सामग्री प्रदान

चुरामणी तिमिल्सिना
फागुन -१४ गुल्मी छत्रकोट गाउँपालिका वडा नम्बर ३ निवासी स्यामलाल नेपालीले आफ्नो जन्म दिन मनाउने यस बर्षको केक काट्ने खर्च साना विद्यार्थी भाइ बहिनीहरुलाई सैक्षिक सामग्री प्रदान गर्नु भएको छ । आफु यस मैनाडाँडा माविमा अध्ययन गरेको हुनाले कक्षा नर्सरि देखि कक्षा सात सम्मका बिद्यार्थीलाइ शैक्षिक सामग्री प्रदान गरेको स्यामले बताउनु भयो । केही समय अगाडी आफ्नै अध्यक्षतामा साइप्रसमा गुल्मी सेवा समाज साइप्रस नामक संस्था समेत स्थापना गरेर विविध कार्यक्रमहरु पनि गरिरहेको बताउनु भयो । यस्ता पर्वको फजुल खर्च कटाउन पार्टी ,भोज र भतेर रोक्न आफुले यो अभियान सुरु गरेको उहाँले बताउनु भयो । यसरी शैक्षिक सामग्री प्रदान गरेकोमा बिद्यालयका प्रधानाध्यापक अमृता थापाले धन्यवाद दिदै यस्तै अभियानबाट गरिब बिपन्न तथा असहाय वर्ग परिवारका छोरा-छोरिलाई ठूलो राहत पुगेको र यस्तै कार्यलाई हातमा-हातमा मिलाएर अगाडी बढ्न आग्रह गर्नु भयो ।