पुतलीबजार कपको उपाधि गल्कोट नगरपालिकालाई

फागुन -१६

फागुन -१६। पुतलीबजार नगर युवा तथा खेलकुद विकास संजाल स्याङ्जाले आयोजना गरेको पालिकास्तरीय भलिवल प्रतियोगिताको उपाधी गल्कोट नगरपालिका बाग्लुङले हात पारेको छ। कालीगण्डकी गाउँपालिका स्याङ्जालाई सोझो सेटमा ३-० ले पराजित गर्दै गल्कोट नगरपालिका बाग्लुङले उपाधी चुम्न सफल भएको हो। लिग चरणको खेलमा कालीगण्डकी गाउँपालिका स्याङ्जाले गल्कोट नगरपालिकालाई पराजित गरेको भएता पनि आजको खेलमा पराजित भइ कालीगण्डकी गाउँपालिकाले द्वितीय स्थान हासिल गरेको हो।

यस्तै गरि आज भएको अर्को खेलमा चापाकोट नगरपालिकालाई पराजित गर्दै बर्दघाट नगरपालिकाले तृतीय स्थान हासिल गर्न सफल भएको छ ।

आज समापन भएको प्रतियोगितामा विभिन्न ६ जिल्लाका १२ समुह सहभागी रहेका थिए ।

मुख्य प्रायोजक पुतलीबजार नगरपालिका रहेको प्रतियोगितामा प्रथम पुरस्कार २ लाख, द्धितिय पुरस्कार १ लाख, तृतिय पुरस्कार ५० हजार र सान्तोना पुरस्कार २५ हजार रहेको खेल संयोजक राजेन्द्र शर्माले जानकारी दिनुभयो ।