चुरामणि तिमिल्सिना
फागुन -२४। पाल्पाको रिब्दिकोट गाउँपालिका वडा नम्बर १ ख्याहामा फागुन १० गते देखि सुरु भएको राष्ट्रिय परिचय बनाउनको लागि आवेदन दिनेको सङ्ख्या आज सम्म ८८३ जना पुगेको छ। आइरबार सम्म वडा नम्बर १ को वडा कार्यालयमा शिविर बसेको र आज देखि साविकको वडा नम्बर २ र ३ जोगिथुममा सेवा सुरु गरिएको वडा न १ का वडा अध्यक्ष बिष्णु प्रसाद गैरेले जानकारी दिनु भयो । जोगिथुम क्षेत्र दुरिको हिसाबले टाढा हुने भएकोले गाउँबासिको मागलाई पुरा गर्न आफुहरुले शिवीर टोलि सङग आग्रह गरेर शिविर त्यहाँ सम्म लगेको अध्यक्ष गैरेले बताउनु भयो । यता शिविरका प्रमुख वडा सचिब शिव चालिसेले ख्याहाबासिहरु परिचय पत्र निर्माणका लागि आवेदन दिन उत्साहका साथ आउने गरेको बताउनु भयो। यो शिविर २५ गते सम्म चल्ने जानकारीमा आएको छ।