पाल्पामा ३ थान भरुवा बन्दुक सहित एक जना पक्राउ

चैत -८
पाल्पामा प्रहरीले अवैध भरुवा बन्दुक सहित एक जनालाई पक्राउ गरेको छ। पक्राउ पर्नेमा जिल्लाको बगनासकाली गाउँपालिका वडा नम्बर ३ बस्ने ५८ वर्षका हिरा बहादुर सारु मगर रहेका छन् ।

सारुको घरमा लुकाएर भरुवा बन्दुक राखेको गोप्य सूचनाका आधारमा निजको घरमा खानतलासी गर्ने क्रममा १ नाले भरुवा बन्दुक ३ थान फेला परेको जिल्ला प्रहरी कार्यलय पाल्पाका सूचना अधिकारी रामेश्वर त्वातीले जानकारी दिनु भयो।

सारु मगरलाई नियन्त्रणना लिएर थप अनुसन्धान कार्य जारी रहेको प्रहरीले जनाएको छ।