जबरजस्ती करणी गरेको आरोपमा मुकेश चौधरी स्याङ्जामा पक्राउ

चैत -११
जबरजस्ती करणी गरेको आरोपमा भारतका मुकेश चौधरी स्याङ्जामा पक्राउ परेका छन् । स्थायी ठेगाना चमारण भलेवा स्टेसन वडा नम्बर ८ भारत भइ हाल इच्छा मनकामना गाउँपालिका वडा नम्बर ५ मुग्लिङ बस्ने २२ वर्षीय मुकेश चौधरीलाई जबरजस्ती करणी गरेको आरोपमा पक्राउ गरिएको जिल्ला प्रहरी कार्यलय स्याङ्जाका सूचना अधिकारी राजेन्द्रप्रसाद अधिकारीले जानकारी दिनुभयो ।

अधिकारीका अनुसार पक्राउ परेका आरोपित चौधरीले एक २२ वर्षीय महिलालाई फेदिखोला गाउँपालिका वडा नम्बर २ मा बिबाह गर्छु भनी प्रेमजालमा पारेर ललाइ फकाइ जबरजस्ती गरेका थिए।

आरोपित चौधरीलाई पक्राउ गरि जबरजस्ती करणी मुद्दामा दर्ता गरि थप अनुसन्धान कार्य भैरहेको प्रहरीले जनाएको छ।