पाल्पामा जिप दुर्घटना हुँदा ७ जना घाइते

वैशाख -६।
पाल्पामा जिप दुर्घटना हुँदा ७ जना घाइते भएका छन् । आज बिहान करिब ८:१० बजेको समयमा जिल्लाको निस्दी गाउँपालिका वडा नम्बर ४ पिपल भञ्ज्याङ् स्थित मित्याल रामपुर सडक खण्डमा खदराबाट रामपुरतर्फ आएको ग १ ज ५७११ नम्बरको जिप सडकबाट ५ मिटर तल खस्दा उक्त दुर्घटना हुन पुगेको हो।

दुर्घटनामा परि घाइते हुनेहरुमा निस्दी गाउँपालिका वडा नम्बर ४ बस्ने बर्ष ७० का चुरा बहादुर सुनारी, सोही स्थानका ६४ वर्षका फत्त सिंह ठाडा , वडा नम्बर ३ बस्ने ४९ की केसरी सोमै, सोही वडाका ५८ वर्षकी तिलिसरा ढेङ्गा, ८० वर्षका दल बहादुर डिसुवा, सोही वडाका ५८ वर्षकी आति ढेङ्गा र ६० वर्षकी रानिसरा सोमै रहेका छन् ।

जिपमा सवार ९ जना मध्ये सात जना घाइते भएको जिल्ला प्रहरी कार्यलय पाल्पाका सूचना अधिकारी लक्ष्मण पचभैयाले जानकारी दिनु भयो।

दुर्घटना पश्चात् सालको रुखमा कोल्टो परेको अवस्थामा जिप रहेको र निजघाईतेहरुलाई उपचारको लागी रामपुर अस्पताल पाल्पामा पठाइएको सूचना अधिकारी पचभैयाले जानकारी दिनु भयो। दुर्घटनाका सम्बन्धमा थप अनुसन्धान भैरहेको प्रहरीले जनाएको छ।