गुल्मीको अस्लेवामा पहिरोको कारण दुई घर उच्च जोखिममा

चुरामणि तिमिल्सिना
असार -२४। गुल्मीको सत्यवती गाउँपालिका वडा नम्बर १ अस्लेवाचौरमा आज विहान पहिरो जादा दुई घर जोखिममा परेका छन् ।

वडा नम्बर १ का ६० बर्षका लिलाधर पाण्डेको घर, गोठ र ३४ बर्षकि पुनम बिकको घर जोखिममा परेको जनता माध्यमिक विध्यालयका शिक्षक तथा स्थानिय बिष्णु प्रसाद पाण्डेले जानकारी दिनुभयो।

रातिदेखि परेको अविरल बर्षाले वडा नम्बर १ कै व्याडमिन्टन् खेल मैदानमा पहिरो आउँदा खेलमैदान पुर्णरुपमा क्षति पुगेको पाण्डेले बताउनुभयो।

पुनमकै घर माथिबाट हाइटेन्सन लाइन गएकोले घर माथि पोल ढल्ने अबस्थामा रहेकोले उनको परिवारलाई घरमै पुगेर सुरक्षा सतर्कता अपनाएर बस्न आग्रह गर्दै सम्वन्धित निकायमा आफुले जानकारी गराएको स्थानिय युवा सन्तोस पाण्डेले बताउनु भयो।