पाल्पामा जबरजस्ती करणी गर्ने पुरुष पक्राउ

साउन -५
पाल्पामा जबरजस्ती करणी गरेको आरोपमा प्रहरीले एक जना पुरुषलाई पक्राउ गरेको छ। पक्राउ पर्नेमा तानसेन नगरपालिका पाल्पाका ४४ वर्षका अर्जुन बिक रहेका छन् । जिल्ला प्रहरी कार्यलय पाल्पाले दिएको जानकारी अनुसर अर्जुन बिकले जबरजस्ती करणी गरेकोकारण ३४ वर्षकी अविवाहित महिला गर्भवती भएकोले आफ्नै घरमा जन्माएकी थिइन् । अविवाहित महिलाले जन्माएको शिशु लुम्बिनी मेडिकल कलेज प्रभासमा उपचारका क्रममा साउन ४ गते मृत्यु भए पश्चात् घटना बाहिर आएको थियो । पीडित महिलाले साउन ४ गतेनै जबरजस्ती करणी गरेको जाहेरी दर्खास्त दिएको कारण बिकलाई पक्राउ गरिएको जिल्ला प्रहरी कार्यलय पाल्पाले जानकारी दिएको छ।

प्रहरीले आरोपित बिकलाई नियन्त्रणमा लिएर थप अनुसन्धान कार्य अगाडि बढाएको जनाएको छ।