प्रथम आदर्श कपको दोश्रो दिन सम्म ५ वटा खेल सम्पन्न।

प्रतियोगिताको दोश्रो दिनको पहिलो खेलमा भगवती युथ क्लबले आदर्श क्लब C लाई १४ रनले पराजित गरेको हो। त्यस्तै दोश्रो खेलमा समाज सुधार युथ क्लबले भगवती युथ क्लब माथी ०९ रनको जित निकाल्न सफल भएको छ।
सोमबार नै सम्पन्न अर्को खेलमा रुपाकोट क्रीकेट क्लब, धनमुडा स्पोर्ट्स क्लब सँग ७० रनको भारी अन्तरले विजयी हुन सफल भएको थियो। उक्त खेलमा रुपाकोट क्रीकेट क्लबका विष्णु पाण्डेय म्यान अफ द म्याच हुनुभएको थियो। उहाँले एक्लै ३५ बलमा ६२ रनको योगदान दिनु भएको थियो।

आजको अन्तिम म्याच बिर्घा क्रीकेट क्लब र मिर्मी मिक्स म्याच क्लब बिच सम्पन्न भएको छ। उक्त खेल मिर्मी मिक्स म्याक्स क्लबले बिर्घा स्पोर्ट्स क्लबलाई ६३ रनले हराउन सफल भएको छ। मिर्मीका अन्कित पाण्डेयले २७ बलमा ५२ रन दिएर टिमको सफलतालाई ठूलो योगदान दिनुभएको थियो। र उहाँ उक्त खेलको म्यान अफ द म्याच हुनुभएको थियो।
१८ टिमको सहभागिता रहेको उक्त प्रतियोगिता थप ३ देखि ४ दिन चल्ने आयोजकको भनाइ रहेको छ।