रातामाटा रुरुमा भलिबल प्रतियोगिताको उद्घाटन

चुरामणि तिमिल्सिना
कार्तिक -२२
गुल्मीको रुरुक्षेत्र गाउँपालिका वडा नम्बर १ रातामाटामा आजदेखि प्रथम नवदुर्गा भलिबल कप प्रतियोगिताको उद्घाटन गरिएको छ। नवदुर्गा युवा कल्बले आयोजना गरेको प्रतीयोगितामा २५ समुहको सहभागीता रहेको छ।

कार्यक्रममा कालीगण्डकी गाउँपालिका गुल्मीका अध्यक्ष बेद बहादुर थापा मगर प्रमुख अथिती रहनु भएको थियो। कार्यक्रममा बोल्दै अध्यक्ष थापाले खेलकुद जगतबाट समग्र देशकै नमुना बनी आयार्जनमा टेवा पुग्न कुनै द्विविधा नभएकोले अबका युवा पुस्ताहरु आयार्जनका काममा लाग्न आग्रह गर्नु भयो ।

औपचारिक सत्रमा जिल्ला समन्वय समिती गुल्मीकि उपप्रमुख तुल्सी कुमारी श्रेष्ठ , रुरु क्षेत्र गाउँपालिका वडा न १ का अध्यक्ष रामलाल बिक नेपाली कङगेसका अमुल्य श्रेष्ठ नेकपा माओवादीका परमानन्द ज्ञवाली , वडा सदस्य सालिकराम ज्ञवाली , जिल्ला सहकारी संघ गुल्मीका अध्यक्ष यम बहादुर थापा , महिला समुहकी धना राना विशिष्ट अतिथी रहनु भएको थियो । कार्यक्रममा खेल संयोजक राजेन्द्र राणाले स्वागत मन्तव्य राख्दै सहयोग दाताहरुलाई धन्यवाद प्रकट गर्नु भएको थियो। कार्यक्रमको अध्यक्षता संस्थाका अध्यक्ष दिपेस कुँवरले गर्नु भएको थियो।