जनज्योति कपको उपाधी विरुवा गाउँपालिकालाई

कार्तिक -३०
स्याङ्जाको कालीगण्डकी गाउँपालिका वडा नम्बर -३ देउरालीमा अवस्थित श्री जनज्योति क्लबले हरिबोधनी एकादशीको अवसरमा आयोजना गरेको पालिका स्तरीय भलिबल प्रतियोगिता सम्पन्न गरेको छ। क्लबले विगत ३५ वर्ष देखि पुरुष भलिबल प्रतियोगिता गर्दै आएकोमा यो वर्ष पालिका स्तरीय भलिबल प्रतियोगिताको आयोजना गरेको हो। पालिका स्तरीय भलिबल प्रतियोगितामा स्याङ्जा , पाल्पा , पर्वत र गुल्मी जिल्लाका विभिन्न पालिकाहरुले सहभागिता जनाएका थिए।

सहभागीहरु मध्ये स्याङ्जाको विरुवा गाउँपालिका प्रथम , द्वितीय आयोजक कालीगण्डकी गाउँपालिका र नव प्रगति क्लब पर्वत तृतीय हुन सफल भएका छन् । यस्तै गरि नेपाल तारा क्लब गल्याङ नगरपालिकाले सान्त्वना स्थानमै चित्त बुझाउनु परेको थियो।

प्रतियोगितामा प्रथम हुने समूहलाई नगद रु १ लाख , शिल्ड , मेडल र प्रमाणपत्र , द्वितीय पुरस्कार नगद रु ५०,००० शिल्ड , मेडल र प्रमाणपत्र र तृतीय पुरस्कार रु २५,००० मेडल र प्रमाणपत्र र सान्त्वना पुरस्कार रु १५,००० मेडल र प्रमाणपत्रको व्यवस्था गरिएको छ।