अधुरा संरचना पुरा गर्न तथा गुणस्तरिय शिक्षाका लागि अध्यक्षमा ज्ञवाली चयन

चुरामणि तिमिल्सिना
साउन -६
बिद्यालयमा निर्माणधिन भौतिक पुर्वाधारहरुलाई पूरा गर्न , शैक्षिक गतिविधिलाई आधुनिक प्रबिधिको प्रयोग गरि संचालन , व्यवस्थापन र गुणस्तरीय शिक्षा लाई निरन्तरताका लागि भन्दै ज्ञवा बलेटक्सार माध्यमिक बिद्यालयका अभिभावक सरोकारवाला शिक्षा प्रेमी तथा स्थानीयले थप दोस्रो कार्यकाल बिद्यालय व्यवस्थापन समितिको अध्यक्ष पद सर्बसहमतीबाटै रुरु क्षेत्र गाउँपालिका वडा न ४ का सामाजिक अभियान्ता तोयनारायण ज्ञवालीलाई प्रदान गरिएको बिद्यालयका प्रधानाध्यापक नारायण ज्ञवालीले जानकारी दिनु भयो।

ज्ञवालीले पहिलो कार्यकालमा बिद्यालयमा भवन निर्माण कार्य , शैक्षिक सुधार अतिरिक्त क्रियाकलाप अभिभावक भेला नीति नियम लगायत प्रशासन विषयमा राम्रो सङ्ग कार्य सम्पादन गरेको आधारमा आफू लाई अभिभावकले पुनः दोस्रो कार्याकालको अध्यक्ष पदमा चुनेको बताउनु भयो । ज्ञवालीले कुरा थप्दै भन्नुभयो,आफू पदमा रहदा या नरहदा आफ्नै घर दैलोको बिद्यालयलाइ हरेक समयमा सबै पक्षबाट सहयोग गर्ने , भौतिक पुर्वाधारका अधुरा योजना सन्चालन कार्यलाई स्थानीय सरकार, प्रदेश तथा संघीय सरकार समक्ष पूरा गर्न कागजी प्रक्रिया गरी अगाडी बढ्ने, शिक्षकहरुको क्षमता वृद्धि गर्न विभिन्न खोज मुलक तालिम प्रदान गर्न योजना अगाडी बढाउने यस्तै बिद्यार्थीको प्रगति वृद्धि गर्न शिक्षक , अभिभावक , बिद्यार्थी तथा सरोकारवाला बिच पट्क पटक शैक्षिक अन्तरक्रिया कार्यक्रम संचालन गरिने बिद्यार्थी तथा शिक्षकहरुलाई प्रविधिमय बनाइ कक्षा अगाडी लैजाने बताउनु भयो।

यो बिद्यालय २०२७ सालमा स्वीकृत प्राप्त गरेको भएता पनि अनुमतिका आधारमा कक्षा ६ देखि १० सम्म सन्चालन भएको छ ।

यस बिद्यालयमा कक्षा ६ देखि १० सम्म कुनै पनि दरबन्दी शिक्षक नभएकोले कुनै बेला समस्या आउन सक्ने प्रधानाध्यापक ज्ञवालीले जानकारी दिनु भयो। निमाबी मा २ राहत शिक्षक र मावि तहमा ३ राहत शिक्षकले यो बिद्यालय अगाडी बढेको छ । यसरी बिद्यालय संचालन हुँदा पनि नतिजाका आधारमा आफ्नो बिद्यालयको नतिजा जिल्लामा नखस्किएको खेलकुद बौद्धिक प्रतिभा लगायतका कार्यक्रमहरुमा पनि अगाडी नै रहेको प्रधानाध्यापक नारायण ज्ञवालीले जानकारी गराउनु भयो। ज्ञवालीले थप्दै भन्नुभयो यश बिद्यालयबाट अध्ययन गरेका बिद्यार्थीहरु डाक्टर, इन्जिनियर , शिक्षक नेता, सरकारी कार्यालय बैंक एनजियो क्षेत्रमा फिजारीएको देख्न पाउदा खुसी लागेको बताउनु भयो।

२०२७ सालमा यहाँ बिद्यालय सन्चालन गर्न पर्छ भनेर योगदानका साथ यस क्षेत्रका बौद्धिक बर्ग सिद्दिनाथ ज्ञवाली , सिद्दिमान श्रेष्ठ , देवी प्रसाद ज्ञवाली , लगायतका अभिभावकहरुको सक्रियता भएको बिद्यालयले बताएको छ । स्थापना पछी यो टिम लगायतले मेहनतका साथ घर दैलोको बिद्यालयलाई अगाडी बढाउन लागि परेकै कारणले यो शैक्षिक सस्था यहाँ सम्म आइपुगेको बिद्यालयले जानकारी दिएको छ।

अहिले यस बिद्यालयमा कक्षा १देखि १० सम्म अङ्ग्रेजी माध्यमबाट पठन पाठ्न भैइरहेको छ । यस पालिकामा सबै भन्दा पहिला सामुदायिक बिद्यालयतर्फ अङ्ग्रेजी माध्यमबाट पनि कक्षा सन्चालन गरेको आफ्नो बिद्यालय भएको समाचारमा उल्लेख गरिएको छ ।

अध्यक्ष ज्ञवालीले यति मात्र हैन आफनै घर नजिक माध्यामिक तहको बोर्डिङ यस्तै रानिवासमा विभिन्न धारका कक्षा सहित माध्यामिक तह र छिमेकि गाउँ श्रीङगामा पनि मावि संचालन हुँदा कतै बिद्यार्थी घटने हुन् कि भन्ने कत्ति पनि चिन्ता नभएको बताउनु भयो । गुणात्मक शिक्षामा कमि नभए बिद्यार्थी बिद्यालयमा आउने बताउनु भयो।

अहिले यस बिद्यालय व्यवस्थापन समितीको समिती सदस्य ,चुरामणि ज्ञवाली , तारा ज्ञवाली भगवती ज्ञवाली , शालिकराम ज्ञवाली, निर्मला ज्ञवाली , मोतीप्रसाद श्रेष्ठ, शिक्षक प्र .विष्णु, प्र. ज्ञवाली यस्तै सदस्य सचिवमा प्रधानाध्यापक नारायण ज्ञवाली रहनु भएको छ भने शिक्षक अभिभावक संघतर्फ अध्यक्ष शिव शर्मा रहनु भएको छ । वास्तवमा यो बिद्यालयमा यो विद्यालयकाे स्तर वृद्धि गर्दै यसै क्षेत्रका सामाजिक अभियानन्ता देवनारायण ज्ञवाली काे अध्यक्षता मा रहेको विद्यालय व्यवस्थान समितिकाे नेतृत्वमा प्रा.वि. व्यवस्थित गर्दै २०५६ मा नि.मा.वि.र २०६२ देखि कक्षा एक देखि नै अङ्ग्रेजी माध्यम ,कम्प्युटर शिक्षा सहितको विद्यालय सन्चालन हुँदै आएको विद्यालयकाे विगत २६ बर्ष देखि २०७५ साल सम्म देवनारायण ज्ञवालीले अघिल्लो कार्यकाल सम्म कुशल ढंगले नेतृत्व गर्दै आउनु भएको हो।