कालीगण्डकी गाउँपालिकामा देउसी भैलो खेल्न नपाइने

कार्तिक -२७ स्याङ्जाको कालीगण्डकी गाउँपालिकामा यो वर्षको तिहारमा देउसी भैलो खेल्न नपाइने भएको छ। कोरोना संक्रमणको जोखिम उच्च रहेको भन्दै गाउँपालिकाको वडा नम्बर ३ ले सूचनानै जारी गरि यो वर्ष देउसी भैलो लगायतका पटका पड्काउने कार्य , खेलकुदका कार्यक्रम आयोजना गर्न तथा भिडभाड नगर्न नगराउन आग्रह गरेको छ। चाडपर्व मनाउदा आफू जहाँ छ त्यही मनाउने र पर्वलाइ घरपरिवारका सदस्यका बिच सिमित राख्न समेत जारी गरिएको सूचनामा उल्लेख गरिएको छ। कालीगण्डकी गाउँपालिकाको वडा नम्बर ३ ले २६ गते बसेको वडा समिति र क्लबको संयुक्त बैठकले सो निर्णय गरेको वडा सचिब दिलिप बिश्वकर्माले जनाउनु भयो।