नेपालमा थप २१२० जनामा कोरोना संक्रमणको पुष्टि

असोज-१७ , नेपाल थप २१२० जना कोरोना संक्रमीत थपिएका छन् । स्वास्थ्य तथा जनसंख्या मन्त्रालयको अनुसार जनसंख्या मन्त्रालयका अनुसार योसँगै नेपालमा कोरोना संक्रमितको कुल संख्या ८४ हजार ५७० पुगेको छ।

२४ घण्टामा दुई हजार ४४ जना डिस्चार्ज भएका छन्। योसँगै डिस्चार्ज हुनेको कुल संख्या ६२ हजार ७४० पुगेको छ। पछिल्लो २४ घण्टामा काठमाडौं उपत्यकामा मात्र ११ सय ७७ जनामा संक्रमण पुष्टि भएको छ। जसमध्ये काठमाडौंमा एक हजार १, भक्तपुरमा ६७ र ललितपुरमा १०९ जना रहेका छन्।

मन्त्रालयका अनुसार शनिबार १२ हजार ९७८ जनाको पीसीआर भएको छ । योसँगै नेपालमा पीसीआर हुनेको संख्या १० लाख ६१ हजार ६६४ पुगेको छ ।

अहिले देशभर सक्रिय संक्रमितको संख्या २१ हजार ३०२ छ । होम आइसोलेशनमा ११ हजार ५२९ जना रहेका छन् । मन्त्रालयका अनुसार अहिले ९ हजार ७७३ जना संस्थागत आइसोलेशनमा रहेका छन्।

अहिले ४ हजार २७३ जना क्वारेन्टाइनमा छन् । मन्त्रालयका अनुसार शनिबार ८ जनाको कोरोनाकै कारण मृत्यु भएको छ । योसँगै नेपालमा कोरोनाले मृत्यु हुनेको संख्या ५२८ पुगेको छ ।

मोरङ, सिरहा, काठमाडौं, भक्तपुर, ललितपुर, चितवन र रुपन्देहीमा अहिले पाँच सयमाथि सक्रिय संक्रमित रहेका छन् भने मनाङ, मुस्ताङ, र डोल्पामा संक्रमितको संख्या शून्य छ।