कालीगण्डकीमा खहरे पहिरो पीडितलाई कोरियाबाट आर्थिक सहयोग

मीन थापा
असोज -२२, स्याङ्जाको कालीगण्डकी गाउँपालिका – ४ , खहरेमा गत असार ३० गते प्राकृतिक विपत्तिमा परि ज्यान गुमाउनु भएका व्यक्तित्वहरूको परिवारलाई आलमदेवी आर्थिक विकास कोष दक्षिण कोरियाबाट आर्थिक सहयोग प्राप्त भएको छ।

२०७७/६/२० गते कोषका सम्बन्धित सदस्य महानुभाव बसु थापा मगर र मिलन आले मगरले मृतक परिवारका सदस्यलाई सहयोग रकम हस्तान्तरण गर्नुभएको हो।

रोजगारको शिलशिलामा दक्षिण कोरियामा कार्यरत बारिचौर , देउराली , छापडाडा र घुरडाडाका साथीहरू सम्मिलित आलमदेबी आर्थिक विकास कोषले दक्षिण कोरियाबाट रु ५२, ०२०/- बाउन्न हजार बीस रुपैयाँ नेपाल पठाउनु भएको हो।

मृतक परिवारका सदस्यहरूलाई रु १३,००५/- तेह्र् हजार पाँच रुपैयाँका दरले सहयोग रकम हस्तान्तरण गरिएको खहरेबाट सेनिश मास्की राना मगरले बताउनु भएको छ। सामाजिक हितका लागि खानेपानीको मुहान र पहिरोको क्षति अवलोकन गर्न जानुभएका आदरणिय अविभावकहरू पहिरोमा पर्नुभएको थियोे ।

प्राकृतिक विपत्तिमा परि तत्कालिन गाउँसभा बिर्घाका अध्यक्ष इमान सिं राना , भूपू गोर्खा आर्मी क्याप्टेन गिमान सिं थापा, नेपाल आर्मी सेवा निवृत टिका बहादुर थापा र प्रेम प्रसाद पाण्डेयले ज्यान गुमाउनु भएको थियोे ।

आलमदेवी आर्थिक बिकास कोषको तर्फबाट मृतकका परिवार प्रती हार्दिक समवेदना प्रकट गर्दै कोषले आर्थिक सहयोग गर्नुहुने साथीहरूलाई हार्दिक धन्यवाद व्यक्त गरेको पनि सेनिश मास्की राना मगरले बताउनुभएको छ।