कालीगण्डकीमा सक्रिय संक्रमित चार पुग्यो

असोज -३० , स्याङ्जाको कालीगण्डकी गाउँपालिकाका तीन जना कोरोना संक्रमीत वडा नम्बर ७ मिर्मी क्वारेन्टिनमा बस्दै आएकाहरु मध्ये भएको कालीगण्डकी गाउँपालिकाका स्वास्थ्य शाखाका जन स्वास्थ्य निरीक्षक खड्क बहादुर थापाले बताउनु भयो। थापाका अनुसार गत २७ गते मिर्मी क्वारेन्टिनमा बाट ३५ जनाको स्वाब संकलन गरि परिक्षणको पोखरामा पठाइएको थियो। ३५ जना मध्ये आज थप तीन जनामा कोरोना संक्रमणको पुष्टि भएको हो। साथै ८ दिन पहिला काठमाडौमा पिसिआर परिक्षण गर्दा पोजिटिभ भएका एक जना संक्रमितको पहिचान भएको थापाले बताउदै यस बाट कोरोना संक्रमण समुदाय स्तरमा फ़ैलिन सक्ने जोखिम बढेको बताउनु भयो। संक्रमित घरमा आएर बसेको र निर्बाध रुपमा समुदायमा घुलमिल हुँदा स्याङ्जा कालीगण्डकीको अवस्था थप जटिल बन्न पुगेको थापाले बताउनु भयो। आज चारै जनालाई आइसोलेसनमा पठाइएको गाउँपालिका स्वास्थ्य शाखाले जनाएको छ।