गुल्मी ग्वादीका अर्यालले खुर्सानी बेचेरै लाखौं आम्दानी गर्दै

चुरामणी तिमिल्सिना कार्तिक -७, गुल्मी रुरु क्षेत्र गाउँपालिका वडा नम्बर २ का युवा कृषक चिरञ्जीवी अर्यालले एक सिजनमा अखबरी खुर्सानीबाट १लाख २० हजार भन्दा माथी आम्दानी लिन सफल भएको बताउनुभयो । २०७४ सालमा अर्चना कृषि तथा पशुपालन फर्म दर्ता गरेर कृषि अभियान सुरु गरेको परिवारले जानकारी दिनु भएको छ । यस बर्ष खुर्सानीबाट राम्रो आम्दानी भएकोले आगामी दिनमा खुर्सानीको बिरुवालाइ प्रशस्त मात्रमा लगाउने र लाखौ आम्दानी लिने तयारी गरिरहेको अर्यालले जानकारी गराए ।अर्यालले यता झण्डै दुई हजार कुखुरा समेत पाल्दै आएका छन । अहिले उनलाई अण्डा बिक्री गर्न भ्याइ नभ्याइ भएको छ। यहाँको अधिकांश अण्डा रुरु क्षेत्रमा आफ्नै यातायातबाट बिक्री गर्न आफै घरदैलोमा पुग्ने समेत गर्नु हुन्छ । अहिले फर्ममा ३ जनालाई रोजगार समेत दिएको चिरञ्जीवीले बताउनुभयो । अर्यालले पालिकाले आफुलाइ खासै चासो नदेखाएकोलो सहयोग समेत नपाएको गुनासो गर्नुभयो ।औषधी अभाव ,यातायात सडकको अभाव हुँदा धेरै कुखुरा मरेर नोक्सानी समेत भएको गुनासो समेत पोख्नुभएको छ।