स्याङ्जामा मंगलबार थप ४ जना कोरोना संक्रमित थपिए

कार्तिक -१८ स्याङ्जामा मंगलबार थप ४ जना कोरोना संक्रमित थपिएका छन् । संक्रमित हुनेहरु भिरकोट नगरपालिका वडा नम्बर ७ का ३५ वर्षीय पुरुष , वालिङ नगरपालिका वडा नम्बर १ का ४७ वर्षीय पुरुष र वालिङ नगरपालिकाकै वडा नम्बर ९ का ७१ वर्षीय पुरुष रहेका छन् । अन्य एक जना संक्रमित ३८ वर्षीय महिलाको भने पालिका खुलेको छैन। संक्रमितहरु मध्ये ३ जना लाइभ केयर एन्ड डाइगोनोस्टिक प्रालि पोखरामा परिक्षणका क्रममा पुष्टि भएको गण्डकी प्रदेश कोरोना रोकथाम तथा नियन्त्रण कार्यक्रमका निर्देशक एवम् प्रबक्ता बिनोद बिन्दु शर्माले जानकारी दिनुभयो। अन्य एक जनाको भने पोखरा स्वास्थ्य बिज्ञान प्रतिष्ठानमा परिक्षणका क्रममा कोरोना संक्रमणको पुष्टि भएको हो। कोरोना संक्रमितको सङ्ख्या स्याङ्जामा दैनिक बढ्दो क्रममा रहेको तथ्यांकले देखाएको छ।