मङ्सिर -४ स्याङ्जामा आज थप ५ जनामा कोरोना संक्रमणको पुष्टि भएको छ। गण्डकी प्रदेश स्वास्थ्य निर्देशनालय पोखराले आज जारी गरेको अद्यावधिक विवरण अनुसार कोरोना संक्रमणको पुष्टि हुनेहरुमा वालिङ नगरपालिका वडा नम्बर ५ का ६८ वर्षिय पुरुष , वडा नम्बर ९ का ४६ वर्षिय महिला र ५९ वर्षिय पुरुष , पुतलीबजार नगरपालिका वडा नम्बर ८ का ४१ वर्षिय महिला र बिरुवा गाउँपालिका वडा नम्बर ७ का २९ वर्षिय महिला रहेका छन् । आज पहिचान भएका संक्रमितहरुको चितवन मेडिकल कलेज चितवन, लाइफ एण्ड केयर डाइगोनोस्टिक प्रा.लि. पोखरा र पोखरा स्वास्थ्य बिज्ञान प्रतिष्ठान पोखराको फिभर क्लिनिकमा स्वाब परिक्षण गरिएको गण्डकी प्रदेश कोरोना रोकथाम तथा नियन्त्रण कार्यक्रमका निर्देशक एवम् प्रबक्ता डा.बिनोद बिन्दु शर्माले जानकारी दिनुभयो । आज थप पाँच जना गरि स्याङ्जामा कुल कोरोना संक्रमितको सङ्ख्या ६६२ जना पुगेको छ। कोरोना संक्रमणबाट ११ जनाको मृत्यु भैसकेको छ।