पाल्पामा जीप दुर्घटना हुँदा २ जना घाइते

मंसिर -८ , पाल्पामा जीप दुर्घटना हुँदा २ जना घाइते भएका छन् । आज बेलुका ५:३५ मा रम्भा गाउँपालिका वडा नम्बर २ टिम्मुरडाँडा स्थित भित्र कच्ची सडक खण्डमा गोरङ्चेबाट झोकेदी तर्फ मलामि छाडी फर्कने क्रममा लु १ ज २१६३ ननम्बरको जिप अनियन्त्रित भई सडक देखी करिब १०० मिटर तल खस्दा उक्त दुर्घटना हुन पुगेको हो। जिपमा सवार दुई जना चालक र सहचालक घाइते भएको जिल्ला प्रहरी कार्यलय पाल्पाका सूचना अधिकारी मदन गिरीले जानकारी दिनु भयो। सूचना अधिकारी गिरीका अनुसार दुर्घटनामा परि घाइते हुनेहरुमा रम्भा गाउँपालिका वडा नम्बर २ बस्ने ४५ बर्षियका चालक खुम बहादुर सुनारी र सोही वडाका सहचालक ३४ बर्षिय दिप बहादुर सिंजाली रहेका छन् । घाइतेहरुलाई उपचारको लागी लुम्बिनी मेडिकल कलेज प्रभास पाल्पा पठाईएको पाल्पा प्रहरीले जानकारी दिएको छ।घाइते हरुको अवस्था मध्यम रहेको छ भने उक्त जिप घटनास्थलमै रहेको जानकारी प्रहरीले दिएको छ। सवारी दुर्घटना सम्बन्धि थप अनुसन्धान कार्य जारी रहेको छ।