स्याङ्जामा भरुवा बन्दुक सहित शिकार खेल्न गएका दुई जना पक्राउ

चैत -१
स्याङ्जामा प्रहरीले अवैध भरुवा बन्दुक सहित २ जनालाई पक्राउ गरेको छ। पक्राउ पर्नेमा जिल्लाको हरिनास गाउँपालिका वडा नम्बर ४ का ३६ वर्षीय होम बहादुर भुजेल र २२ वर्षका प्रेम भुजेल रहेका छन् ।

जिल्ला प्रहरी कार्यलय स्याङ्जाका सूचना अधिकारी एवम् प्रहरी नायब उपरीक्षक राजेन्द्रप्रसाद अधिकारीका अनुसार हिजो राती हरिनास गाउँपालिका वडा नम्बर ४ स्थित कुलुङखोला सानिस्वारा जङ्गल शिकार खेल्न जाने क्रममा उनिहरुलाई पक्राउ गरिएको हो । पक्राउ परेका दुई जनाको साथबाट लोड गरिएको एक अवैध भरुवा बन्दुक , बन्दुकना प्रयोग हुने १७ वटा सिसाको छर्रा र ५ ग्राम बरामद गरिएको समेत प्रहरी नायब उपरीक्षक अधिकारीले जानकारी दिनु भयो।

प्रहरीले दुवैजनालाई हातहतियार तथा खरखजना सम्बन्धि कसुरमा मुद्धा दर्ता गरि थप अनुसन्धान कार्य भैरहेको जनाएको छ।