कालीगण्डकी स्याङ्जा-पोखरा सम्पर्क समाज कास्कीद्वारा २०७८ सालको भित्तेपात्रो बिमोचन

गणेश पाण्डे
चैैत-२८। कालीगण्डकी स्याङ्जा पोखरा सम्पर्क समाज, कास्कीले नयाँ बर्ष २०७८ सालको भित्तेपात्रो बिमोचन गरेको छ । आज स्याङ्गजाली सम्पर्क सदन पोखरामा सस्थाले भित्तेपात्रो बिमोचन गरेको हो । आउदै गरेको नयाँ बर्ष २०७८ सालको शुभकामना आदानप्रदान तथा भित्तेपात्रो बिमोचन कार्यक्रमको उद्घाटन स्याङ्जा पोखरा सम्पर्क समाजका अध्यक्ष लिला प्रसाद पङ्गेनीले गर्नुभएको थियो ।

उद्घाटन समारोहमा बोल्दै अध्यक्ष पङ्गेनिले सबै नेपालीहरुमा २०७८ सालको शुभकामना दिनुभएको थियो । पङ्गेनिले कालिगण्डकी गाउँपालिका स्याङ्जा जिल्लाकै उत्कृष्ट, लोककलाको धनी र पर्यटन संभावना बोकेको गाउँपालिका भएकोले गाउँ केन्दित कार्यक्रमहरु ल्याउन पर्ने बताउनुभयो ।

त्यस्तै कार्यक्रममा बोल्दै समाजका सल्लाहकार चोलाकान्त पाण्डेले गाउँपालिका र पोखरा बिच सस्थाले पुलको रुपमा कार्य गर्नुपर्नेमा जोड दिनु भयो । सस्थाका सचीव जिवलाल न्यौपानेले संचालन गर्नुभएको कार्यक्रममा उपाध्यक्ष लक्ष्मण न्यौपानेले स्वागत मन्तव्य राख्नुभएको थियो भने गितामणी पाडेले कार्यक्रमको अध्यक्षता गर्नुभएको थियो ।