स्याङ्जामा एकै दिन ५४ जना कोरोना संक्रमित थपिए

स्याङ्जा

साउन १२ – निषेधाज्ञा खुकुलो पारिए संगै स्याङ्जामा कोरोना संक्रमितको सङ्ख्या निरन्तर उकालो लाग्ने क्रममा रहेको छ । पछिल्लो २४ घण्टामा स्याङ्जाका विभिन्न पालिका र नगरपालिकाका २१ महिला र ३३ जना पुरुष गरि एकै दिन ५४ जनामा कोरोना संक्रमण पुष्टि भएको गण्डकी प्रदेश स्वास्थ्य निर्देशनालय पोखराले जनाएको छ। आज थप ५४ जना गरि स्याङ्जामा कोरोना संक्रमितको कुल सङ्ख्या ५०४५ जना पुगेको छ। यस्तै गरि जिल्लामा हाल २८९ जना कोरोनाका सक्रिय संक्रमित रहेका छन् ।