स्याङ्जाका थप दुई जना कोरोना संक्रमितको मृत्यु

साउन १३

स्याङ्जाका थप दुई जना कोरोना संक्रमितको मृत्यु भएको छ। कोरोना संक्रमणका कारण मृत्यु हुनेमा बिरुवा गाउँपालिका वडा नम्बर २ कि ६० वर्षीया महिला र फेदीखोला गाउँपालिका वडा नम्बर १ का ३६ वर्षीय पुरुषको मृत्यु भएको गण्डकी प्रदेश स्वास्थ्य निर्देशनालय पोखराले जनाएको छ। मृतक ६० वर्षीया महिलामा असार २७ गते र ३६ वर्षीया पुरुषमा असार २६ गते कोरोना संक्रमणको पुष्टि भएको थियो। आज थप दुई जना गरि स्याङ्जामा कोरोना संक्रमणका कारण ज्यान गुमाउनेको सङ्ख्या १२७ पुगेको छ।