खाली पेटमा स्याउ खाँदा स्वास्थ्यका लागि फाइदै-फाइदा

एजेन्सी । स्वस्थ रहनका लागि चिकित्सकहरूले हरेक दिन एउटा स्याउ खाने सल्लाह दिन्छन् । स्याउमा पोषक तत्व प्रशस्त मात्रामा पाइन्छ । यसमा प्रोटिन, फाइबर, आइरन र पानी प्रचुर मात्रामा हुन्छ । आज हामी खाली पेटमा स्याउ खानुका फाइदाहरु बारे बताइरहेका छौँ । खाली पेटमा स्याउ खाँदा शरीरले आवश्यक पोषक तत्वहरूलाई सजिलै सोस्छ । साथै पेट संग सम्बन्धित रोगहरूबाट पनि छुटकारा दिन्छ । खाली पेटमा स्याउ खाएर पनि तौल नियन्त्रणमा राख्न सकिन्छ ।

खाली पेटमा स्याउ खानुका फाइदाहरू : खालीपेटमा स्याउ खानु समग्र स्वास्थ्यका लागि फाइदाजनक हुन्छ । आइरन, प्रोटिन, भिटामिन के र भिटामिन ई स्याउमा प्रशस्त हुन्छ । साथै, स्याउमा कार्बोहाइड्रेट हुन्छ, जसले गर्दा तपाईलाई दिनभर ऊर्जावान रहन मद्दत गर्छ ।

तौल घटाउन प्रभावकारी : यदि तौल नियन्त्रणमा राख्न चाहनुहुन्छ भने बिहान खाली पेटमा स्याउ खानुहोस् । हरेक बिहान एउटा स्याउ खाएर तपाईले आफ्नो तौल घटाउन सक्नुहुन्छ । स्याउमा उच्च मात्रामा फाइबर हुन्छ, त्यसलाई खाँदा लामो समयसम्म भोक लाग्दैन । यसले तपाईको वजन कम गर्न मदत गर्छ ।

कब्जियतको समस्या हटाउँछ : स्याउमा प्रशस्त मात्रामा फाइबर हुन्छ । यस्तो अवस्थामा हरेक बिहान एउटा स्याउ खाँदा कब्जियतको समस्या निको हुन्छ । यदि तपाईलाई कब्जियत छ भने आफ्नो आहारमा स्याउ अवश्य समावेश गर्नुहोस् ।

मुटुका लागि फाइदाजनक : खाली पेटमा स्याउ खाँदा मुटुको स्वास्थ्य पनि राम्रो हुन्छ । स्याउमा पाइने फाइबरले रक्तचाप नियन्त्रण गर्छ । यसका साथै, स्याउमा भिटामिन सी र पोटासियम पनि पाइन्छ । यी तत्व हृदय रोगसँग सम्बन्धित छन् ।

प्रतिरक्षा वृद्धि : विभिन्न रोगहरू विरुद्ध लड्न शरीरको प्रतिरक्षा बलियो बनाउन आवश्यक हुन्छ । हरेक बिहान खाली पेटमा एउटा स्याउ खाँदा रोग प्रतिरोधात्मक क्षमता बलियो हुन्छ । स्याउ मा भिटामिन सी, प्रोटिन र अन्य पोषक तत्व हुन्छ, जसले रोग प्रतिरोधात्मक क्षमता बढाउँछ ।

यस्ता लक्षण देखिए खाली पेटमा स्याउ नखानुहोस्
खाली पेटमा स्याउ खानु स्वास्थ्यका लागि निकै फाइदाजनक हुन्छ । तर यसले कतिपयलाई दुःख पनि दिन्छ । स्याउ खाएपछि यी लक्षण देखिएमा खाली पेटमा स्याउ नखानुहोस् । पेट दुख्ने, पखाला लाग्ने, छालामा दाग देखापर्ने, घाँटी वा मुख चिलाउने आदि समस्या देखिए खाली पेटमा स्याउ खान छोड्नुहोस् ।