गल्याङका एक वृद्ध कालीगण्डकी नदीमा मृत अवस्थामा फेला

चैत -५
स्याङ्जाका एक वृद्ध कालीगण्डकी नदिमा मृत अवस्थामा फेला परेका छन् । मृत अवस्थामा फेला पर्नेमा गल्याङ नगरपालिका वडा नम्बर १ मालुङ्गा स्याङ्जाका ६० वर्षका मान बहादुर बिक रहेका छन् । जिल्ला प्रहरी कार्यलय पाल्पाले दिएको जानकारीका अनुसार गत चैत १ गते मान बहादुर बिक रम्भा गाउँपालिका १ हुगिमा दाजुको घरमा भेटघाटका लागि आएका थिए। भेटघाट पश्चात् बिक आफ्नो घर स्याङ्जा फर्केकोमा उनी सम्पर्क बिहिन भएका थिए। सम्पर्क बिहिन भएका बिकलाई खोजतलासको क्रममा हिजो ३:१५ बजेको समयमा रामपुर नगरपालिका ८ आपचौर स्थित कालीगण्डकी नदिमा मृत अवस्थामा फेला परेका थिए ।

घटनाका सम्बन्धमा थप अनुसन्धान भैरहेको प्रहरीले जनाएको छ।